AQSh sudi mamlakat ma’muriyatining TikTok ijtimoiy tarmoq dasturini Google va Apple ilovalar do‘konlaridan olib tashlash to‘g‘risidagi qarorining kuchga kirishini vaqtincha to‘sib qo‘ydi. Bu haqda TASS xabar bermoqda.
Aslida taqiq 20 sentabrdan kuchga kirishi kerak edi, ammo AQSh prezidenti Donald Tramp 19 sentabr kuni jurnalistlarga TikTok'ning Amerikadagi aktivlarini Oracle va Walmart tomonidan sotib olinishini ma’qullaganini aytdi. Shundan so‘ng, Savdo vazirligi ilovani yuklab olish taqiqining kuchga kirishini bir haftaga - mahalliy vaqt bilan 27 sentyabrga qoldirdi. Shu bilan birga, 12 noyabrdan AQSh ma’murlari TikTok'ning mamlakatdagi faoliyatini cheklashni boshlashni rejalashtirmoqda.
Hujjatlarga ko‘ra, sudya Karl Nikols TikTok egalarining ilovani yuklab olishni taqiqlash to‘g‘risidagi qaror kuchga kirishi to‘g‘risida vaqtinchalik bloklash to‘g‘risidagi iltimosini qondirdi, ammo "hozircha" hukumatning mamlakatdagi ijtimoiy tarmoq ishini cheklash to‘g‘risidagi 12 noyabrdan boshlab qabul qilgan qaroriga nisbatan xuddi shunday taqiq haqidagi talabni rad etdi.