Kechagi murojaatda ham, o‘tgan kungi Oliy Majlisdagi chiqishlarda ham, Prezident nutqi jarayonida ko‘p qarsak chalishganiga salbiy munosabatlar bildirilayapdi. Aslida, butun dunyoda davlat rahbarlarining katta jamoatchilik oldida chiqish qilishi – siyosiy shou hisoblanadi.
Masalan, Amerikada, Prezidentning Kongressdagi chiqishlari jarayonlarida, kamida 40-50 martalab qarsak chalib, uni nutqini bo‘lishadi. Fransiyada ham shunday. Angliyada esa, Bosh vazirni chiqish qilishi – dunyoda o‘xshovi yo‘q shou hisoblanadi.
Agar Prezident nutqi jarayonida hech qanday qarsak bo‘lmasa ham, zal va siyosiy muhit o‘lik ko‘ringan bo‘lardi. Agar qasaklar soxta bo‘lsa, ya’ni, oddiy fikrga ham chalinsa – bu ham jamoatchilikda salbiy qabul qilinadi.
Bugungi Prezident murojaatida, jamiyat uchun dolzarb konseptual g‘oyalar, tashabbuslar va takliflar aytildi. Zaldagilarning yangi takliflarni qarsaklar bilan qabul qilishi – Prezidentni islohotlar siyosatiga qo‘llov, hamda, yangi loyihalarga chorlovchi chaqiriq ham hisoblanadi.
Menimcha, o‘zbekistonliklar ham, butun dunyodagi kabi, qarsaklarni siyosiy tomosho, davlatchilik ruhiyatini parvarishlash an’anasi sifatida qabul qilishi kerak.