Amerika Qo‘shma Shtatlarida koronavirusdan vafot etganlar soni 40 ming kishiga yetdi. Jon Xopkins universiteti ma’lumotlari bundan darak bermoqda.
Umumiy tarzda 742 ming kishida Covid-19 koronavirusi tasdiqlangan. Hali ham eng qiyin vaziyat Nyu-York shtatida kuzatilyapti. U yerda 250 mingdan ortiq kishi koronavirusni yuqtirib olgan va ulardan 17 mingi vafot etgan.
Shu bilan birga shtat gubernatori Endryu Kuomo bugun kasalxonaga yotqizilganlar soni kechagidan kamroq ekanligini ta’kidladi.
Butun dunyo bo‘ylab koronavirus yuqtirib olganlar soni 2,37 millionni tashkil etmoqda. Ulardan 168 mingi vafot etgan.