AQShdagi namoyishlarda kamida 11 kishi halok bo‘ldi
AQShdagi namoyishlar chog‘ida kamida 11 kishi halok bo‘ldi. Ularning aksariyati afro-amerikaliklar edi, deb yozmoqda AP.
Fojiaviy holatlar Chikago, Detroyt, Indianapolis, Omaxa, Sent-Luis, Davenport, Oklend, Minneapolis hamda Luisvillda qayd etilgan.
Jarohatlanganlarning aniq miqdori hali ma’lum emas.
Afro-amerikalik Jorj Floydning o‘limi Amerika Qo‘shma Shtatlarida bir necha kundan beri norozilik namoyishlariga sabab bo‘ldi. Hozirda Amerikaning 40 dan ortiq shaharlarida komendantlik soati, 3 ta shaharda favqulodda vaziyat rejimi joriy qilingan. Mamlakatning 15 shtati hamda Vashingtonda qariyb 5 ming Milliy gvardiya xodimlari harakatlanmoqda.