ASA (Absolute Championship Akhmat) tashkiloti Bezod nurmatovning yaqinlariga o‘z ta’ziyasini bildirdi. Liga asoschisi Mayrbek Xasiyev Instagram’da bu haqda shunday yozib qoldirgan:

“Biz eng ko‘p qo‘rqqan narsa sodir bo‘ldi. Uning qarindoshlari bilan hamdardmiz”.

O‘tgan juma kuni tashkil etilgan jangda 27 yoshli Bekzod Nurmatov hakamlarning hal qiluv qaroriga ko‘ra rossiyalik Beslan Isayevga mag‘lub bo‘lgan, jangdan keyin kasalxonada komaga tushib, dushanbaga o‘tar kechasi vafot etgan edi.

Sportchining jasadi seshanba kuni kechqurun vatani O‘zbekistonga qaytarilib, ertasiga dafn etildi.

Bekzod Nurmatov 27 yoshda bo‘lib, sportchilik faoliyati davomida 13 ta jang o‘tkazgan, ulardan 11 tasida g‘alaba qozonib, 2 marta mag‘lubiyatga uchragan.