Yangi yilda Asaka avtomobil zavodi jamoasi 15 kunga ta’tilga ketadi. Bu haqda «O‘zavtosanoat» AJ xabar bermoqda.

2018 yilning 29 dekabr kuni zavoda 220 minginchi avtomobil — Chevrolet Nexia ishlab chiqarildi. Shu bilan rahbariyat tomonidan yil oxirigacha ishlab chiqarish quvvatini 220 minggacha yetkazish bo‘yicha qo‘yilgan vazifa uddalandi.

GM Uzbekistan tarixida ilk bor 2018 yilning dekabr oyida rekord qayd etildi — 34117 dona avtomobil ishlab chiqarildi, bu kuniga mingdan ortiq avtomobil degani.

Kompaniya tomonidan o‘tib borayotgan yilda ishlab chiqarilayotgan avtomobillarning har bir modeli tannarxi o‘rtacha 10-16 foizga pasaytirildi, import xarajatlari esa 73 million AQSh dollargacha qisqardi.