2020 yili Turmaniston poytaxti Ashxobodda turkman it zoti Alabayga haykal o‘rnatiladi. Bu haqda Turkmaniston davlat axborot agentligi xabar berdi.
Alabay haykali ochilishi rejasi haqida prezident Gurbanguli Berdimuhamedovning poytaxtdagi qurilish ob’yektlariga tashrifi vaqtida ma’lum qilindi.
"Yaratiladigan haykalda mashhur it zotining o‘ziga xos jihatlari namoyon bo‘lishi kerak", degan prezident Berdimuhamedov.
Alabay zamonaviy Turkmanistonning timsollaridan biriga aylangan. 2017 yilgi Osiyo o‘yinlarining timsoli ham Alabay it zoti bo‘lgan.
2019 yil bahorida Berdimuhamedov Rossiya prezidenti Vladimir Putin va Bosh vazir Dmitriy Medvedovga zotdor Alabay itini sovg‘a qilgan edi.
Berdimuhamedov Alabay it zoti haqida alohida kitob ham yozgan.