Avgust oyi boshidan beri Yaponiya poytaxtidagi anomal issiq ob-havo oqibatida halok bo‘lganlar soni 131 kishiga etdi, deb xabar beradi NHK telekanali.

Ma’lum bo‘lishicha, so‘nggi sakkiz kun ichida 28 kishi vafot etgan. Ulardan 27 tasi uyda topilgan. 25 qurbon konditsionerdan foydalanmagan. Halok bo‘lganlarning 80% dan ortig‘i 70 yoshdan oshgan odamlardir.

Umuman olganda, so‘nggi bir hafta ichida mamlakatda deyarli 13 ming kishi kasalxonaga yotqizilgan, 30 kishi vafot etgan.

Avgust oyining boshidan beri deyarli butun Yaponiyada o‘ta issiq havo hukm surdi. Ba’zi viloyatlarda havo harorati + 38° C dan oshmoqda.