Bosh prokuratura huzuridagi Departamentning Toshkent viloyat boshqarmasi tomonidan Olmaliq ixtisoslashtirilgan prokuraturasi xodimlari bilan hamkorlikda o‘tkazilgan tezkor tadbirda, fuqaro M.B. ikki nafar fuqaroni Olmaliq kon-metallurgiya kombinatiga qarashli avtokorxonaga ishga joylashtirib qo‘yish evaziga 3 000 AQSh dollari talab qilib, shundan, 1 000 AQSh dollarini olgan vaqtida ashyoviy dalil bilan ushlangan. Bu haqda O‘zbekiston Respublikasi Bosh prokuraturasi jamoatchilik bilan aloqalar va huquqiy axborot bo‘limi boshlig‘i Hayot Shamsuddinov xabar qildi.

Mazkur holat yuzasidan M.B.ga nisbatan Jinoyat kodeksining tegishli moddasi bilan jinoyat ishi qo‘zg‘atilib, tergov harakatlari o‘tkazilmoqda.