Turkiyada o‘tkazilayotgan boks bo‘yicha ayollar o‘rtasidagi jahon chempionatida unutilmas g‘alaba. -50 kg vazn toifasida yurtimiz sharafini himoya qilayotgan Aziza Yoqubova kattalar miqyosidagi dunyo birinchiligida shohsupaga ko‘tariladigan ilk bokschi qizimiz sifatida tarixda qoladi. Bu haqda Milliy Olimpiya qo‘mitasi matbuot xizmati xabar berdi. 

Ma’lum qilinishicha, Yoqubova yakuniga yetgan chorak final bahsida italiyalik Jiordana Sorrentinoni mag‘lubiyata uchratib, yarim finalga yo‘l oldi. Ma’lumki, boksda ushbu bosqichga yetib kelgan sportchilar kamida bronza medalini naqd qilib qo‘yishadi. Bu esa Yoqubova musobaqada shohsupaga ko‘tarilishini anglatadi.