Birlashgan Arab Amirliklari Bosh vaziri va Dubay amiri Muhammad bin Rashid Al Maktum shanba kuni arab dunyosida birinchi "Baraka" atom elektr stansiyasini ishga tushirish to‘g‘risida e’lon qildi.
نعلن اليوم عن نجاح دولة الإمارات في تشغيل أول مفاعل سلمي للطاقة النووية في العالم العربي، وذلك في محطات براكة للطاقة النووية بأبوظبي .. نجحت فرق العمل في تحميل حزم الوقود النووي واجراء اختبارات شاملة وإتمام عملية التشغيل بنجاح . أبارك لأخي محمد بن زايد هذا الانجاز .. pic.twitter.com/e8VHz4o6BY
— HH Sheikh Mohammed (@HHShkMohd) August 1, 2020
"Bugun biz Abu Dabida arab dunyosidagi ilk tinch maqsadlarda foydalaniladigan Baraka atom reaktorini muvaffaqiyatli foydalanishga topshirilishini e’lon qilamiz. Mutaxassislar yadro yoqilg‘isini yuklab, keng qamrovli sinovlarni o‘tkazib, ishga tushirish ishlarini muvaffaqiyatli yakunladilar", deb yozdi bosh vazir o‘z Tvitterida.
Uning ta’kidlashicha, BAA "davlatning elektr energiyasiga bo‘lgan ehtiyojining chorak qismini xavfsiz, ishonchli va ekologik jihatdan toza holda yetkazib beradigan to‘rtta atom elektr stansiyasi orqali ta’minlamoqchi.
Baraka atom elektr stansiyasi umumiy quvvati 5,6 megavatt bo‘lgan to‘rtta energoblokdan iborat bo‘ladi".
To‘rt reaktorli birinchi arab atom elektr stansiyasi mamlakat g‘arbidagi Abu Dabi amirligining Al-G‘arbiya mintaqasida, Fors ko‘rfazi sohilida, mamlakat poytaxtidan 250 km uzoqlikda joylashgan.
25 milliard dollarlik elektr stansiyasining qurilishi 2011 yilda boshlangan va 2017 yilda elektr energiyasini ishlab chiqarishni boshlashi kutilgan edi.