Bangladesh hukumati "Ampan" sikloni yaqinlashgani sababli qariyb 2 million kishini evakuatsiya qilishni boshlashga buyruq bergan.
"Janubi-g‘arbiy sohilda joylashgan 19 eng zaif mintaqadagi tuman ma’muriyatidan odamlarning hayotini saqlab qolish uchun barcha choralarni ko‘rishni so‘rashdi", - dedi Tabiiy ofatlarni boshqarish vazirligi kotibi Shah Kamol.
Agentlik ma’lumotlariga ko‘ra, 1,8 milliondan 2 milliongacha odam xavfsiz joyga olib borilishi kerak, ular uchun 13 mingdan ortiq boshpana tayyorlangan.
Shanba kuni Bengal ko‘rfazida paydo bo‘lgan Ampan sikloni Bangladeshning Payra portidan janubi-g‘arbga 725 kilometr masofada joylashgan. Meteorologlarning fikriga ko‘ra, shamolning maksimal tezligi soatiga 225 kilometrga yetishi mumkin.