Saloh va Manening gollari «Liverpul»ga «Leypsig» ustidan g‘alaba keltirdi.
Futbol bo‘yicha Yevropa Chempionlar Ligasining 1/8 finali ilk o‘yinida «Leypsig» va «Liverpul» jamoalari 16 fevral, seshanba kuni o‘zaro to‘qnash keldi.
Uchrashuvning birinchi bo‘limida darvozalar daxlsiz qoldi. Ikkinchi bo‘lim debyutida inglizlar ketma-ket ikki bor darvozani ishg‘ol qildi. Avvaliga «Leypsig» sardori Marsel Zabitserning himoyadagi xato uzatmasidan so‘ng Muhammad Saloh hisobni ochdi.
Biroz vaqt o‘tib Sadio Mane raqibning himoyadagi navbatdagi xatosidan unumli foydalandi. Qolgan vaqtda hisob o‘zgarmadi.
Shu tariqa «qizillar» javob o‘yini oldidan yaxshi imkoniyatga ega bo‘ldi.
«Leypsig» Germaniya — «Liverpul» Angliya 0:2
Gollar: 0:1 – 53 Saloh, 0:2 – 58 Mane.