Yangi yil bayrami arafasida “O‘zbekiston temir yo‘llari” kompaniyasi “Toshkent-Buxoro-Toshkent” yo‘nalishida Afrosiyob qatnovlarini yo‘lga qo‘yadi.
Qayd etilishicha, hozirgacha juma, shanba va yakshanba kunlari soat 09:02 da Toshkent vokzalidan harakatini amalga oshirayotgan 770-sonli Afrosiyob poyezdi 27 dekabrdan 9 yanvargacha har kuni soat 09:02 da “Toshkent-Buxoro” yo‘nalishida qatnovini amalga oshiradi.
Shuningdek, 769-sonli Afrosiyob poyezdi 27 dekabrdan 9 yanvargacha har kuni soat 15:02 da “Buxoro-Toshkent” yo‘nalishida qatnovini amalga oshiradi. Ushbu poyezdlar Samarqand, Navoiyda to‘xtab o‘tadi.