Bayrutda hukumatga qarshi namoyishlar ishtirokchilari noroziliklarga, hukumat binolariga bostirib kirishgan. Yuzlab qurbonlar haqida xabar berilgan. Namoyishchilar Bayrut portida portlashdan keyin hukumat iste’fosini talab qilmoqda. Livan Bosh vaziri muddatidan oldin parlament saylovlarini o‘tkazishni taklif qildi.

Bayrutdagi namoyishlar vaqtida 728 kishi hibsga olindi. Bir nafar politsiya ofitseri halok bo‘ldi.

Avvalroq Livan armiyasi namoyishchilarni Bayrutdagi iqtisodiyot va energetika vazirliklari binolaridan haydab chiqargan edi.

Xabar qilinishicha, Livan poytaxtida hukumatga qarshi ommaviy namoyish paytida namoyishchilar va huquqni muhofaza qilish organlari xodimlari o‘rtasida to‘qnashuvlar yuz bergan.

Namoyishchilar Livan Tashqi ishlar vazirligi binosini egallab oldi, ammo keyinchalik ular harbiylar tomonidan haydab chiqarildi.

Xabar qilinganidek, Bayrutda hukumatga qarshi harakatlar kuchaygan. Namoyishlar 4 avgust kuni Bayrut portida kuchli portlash yuz berganidan keyin avj oldi. Muxolifat bunga hukumat aybdor deb hisoblaydi. Bu faqat o‘tgan yilning kuzidan beri ko‘tarilayotgan norozilik kayfiyatini yanada kuchaytirdi.