14 dekabr kuni AQShning Indio shahri (Kaliforniya shtati)da bo‘lib o‘tgan jangda o‘zbek o‘g‘loni, Rio-2016 olimpiadasi kumush medali sovrindori Bektemir Meliqo‘ziyevning ilk titul jangi bo‘lib o‘tdi. Bu haqda Vringe sayti xabar bermoqda.
Bektemir Meliqo‘ziyev amerikalik bokschi Von Aleksander ustidan g‘alaba qozondi va WBA'ning o‘rta og‘irlikdagi (76.2 kggacha) Kontinental Amerika chempioni bo‘ldi.
Kaliforniyadagi “Fantasy Springs Casino” arenada 10 raundga mo‘ljallangan jangda hamyurtimiz ochkolar hisobiga raqibidan ustun keldi. Hakamlar bir ovozdan Bektemirning 100:90, 100:90, 100:90 hisoblaridagi g‘alabasini qayd etishdi. Bektemir avvalgi 3 jangda raqiblarini nokaut bilan mag‘lub etgan edi.