Belorus Markaziy saylov komissiyasi amaldagi prezident Aleksandr Lukashenkoning asosiy raqibi deb ko‘rilayotgan Belgazprombankning sobiq rahbari Viktor Babarikoni prezidentlikka nomzod sifatida ro‘yxatga olmadi.
Saylovda g‘alaba qozonish ehtimoli yuqori bo‘lgan yana bir muxolifat vakili Valeriy Sepkalo ham ro‘yxatga olinmagan.
Hammasi bo‘lib besh nafar nomzod ro‘yxatga olingan, ular orasida Lukashenko ham bor.
Lukashenkoning qolgan to‘rtta raqibi prezident bo‘lish uchun real nomzod sifatida ko‘rilmayapti.
Anna Kanopatskaya - Milliy Assambleyaning deputati, tayinsiz dastur va sustkashlikka ega nomzod. Svetlana Tixanovskaya siyosiy tajribaga ega bo‘lmagan hibsga olingan mashhur blogerning rafiqasi. Sergey Cherechen ochiq-oydin G‘arb tarafdori bo‘lgan Gromada sotsial-demokratik partiyasi shaklidagi qulay muxolifat yetakchisi, Andrey Dmitriyev "Haqiqatni gapiring" harakatining vakili bo‘lib, uning nomzodi 2015 yilda 4,4 foiz ovoz olgan.
Tut.by nashri xabariga ko‘ra, Belarus MSK rahbari Lidiya Yermoshina Babariko daromadlari to‘g‘risidagi deklaratsiyani taqdim etmaganligi va o‘zi ishdan bo‘shatilgandan so‘ng Belgazprombankning tashqi moliyaviy yordamidan foydalanganini aytdi.
"Belagzprombank" ning 99 foizdan ko‘proq aksiyalari ikkita aksiyador - "Gazprom" va "Gazprombank" ka tegishli, ya’ni "bu deyarli butunlay xorijiy korxona", dedi Yermoshina. Bundan tashqari, Markaziy saylov komissiyasiga Davlat Nazorat Qo‘mitasidan Babariko "pul yuvish bo‘yicha" jinoiy guruhga rahbarlik qilganligi to‘g‘risida xat keldi.
Imzolarga ko‘ra, Babariko 100 mingni ro‘yxatga olishning eng yuqori chegarasini ishonchli tarzda bosib o‘tdi. Ammo, MSK imzo varaqalarining yarmidan ko‘pini rad etdi - taqdim etilgan 367.179 dan 165.744 imzo haqiqiy deb topildi.
Babariko hozir qamoqda. Iyun oyida, mamlakat huquq-tartibot idoralariga ko‘ra, Belgazprombank rahbariyatining xatti-harakatlari respublikaning "milliy xavfsizlik manfaatlariga real tahdid" yaratdi. Keyingi tergov Davlat xavfsizlik qo‘mitasiga topshirildi. Babariko bilan birgalikda uning otasi va o‘g‘li hibsga olingan.