Belorusda 301 sog‘liqni saqlash mutaxassislarida Covid-19 koronavirus infeksiyasi laboratoriyada aniqlandi. Bu haqda Sog‘liqni saqlash vazirligi rahbari Vladimir Karanik brifingda ma’lum qildi, deb xabar beradi RBK. 

Uning so‘zlariga ko‘ra, shifokorlarning aksariyati Minskda, shuningdek, Minsk va Vitebsk viloyatlarida yuqtirishgan va boshqa viloyatlarda infeksiyaning alohida holatlari kuzatilgan. Ko‘pchilik shifokorlarda kasallik simptomlarsiz o‘tib ketadi, ularning hech biri mexanik shamollatish moslamalariga ulanmagan.

Sog‘liqni saqlash vazirligining ma’lumotlariga ko‘ra, Belarusda koronavirus pandemiyasi boshlangandan beri 2226 ta Covid-19 holati qayd etilgan, ulardan 245 tasi oxirgi sutkada. 172 kishi tuzaldi, 23 kishi vafot etdi.

Jahon sog‘liqni saqlash tashkiloti (JSST) ning respublikadagi vakolatxonasi rahbari Belorusda holatlar keskin oshishi mumkinligini aytdi. Uning so‘zlariga ko‘ra, Belarus «koronavirus tarqalishi evolyusiyasida yangi bosqichga kirmoqda». U rasmiylarni infeksiya tarqalishini kamaytirish uchun qo‘shimcha choralar ko‘rishga chaqirdi.