«Besh nafar o‘zga sayyoralik ayolni zo‘rlaganiga ko‘proq ishongan bo‘lardim». Zafar Hoshimov andijonlik kelinchakning zo‘rlanishi voqeasi bo‘yicha IIV bayonotiga munosabat bildirdi - deya xabar bermoqda ’Daryo.uz’.

Andijonda besh nafar erkak dala shiyponida 18 yoshli homilador kelinni zo‘rlagani haqida xabarlar tarqalgandi. Holat yuzasidan jinoyat ishi qo‘zg‘atilib, ekspertizalar tayinlangandi. Ekspertiza natijalari kelin zo‘rlanmaganini ko‘rsatdi. Ayolning o‘zi ham yolg‘on ko‘rsatma berganini tan oldi. Bu xabar jamoatchilik orasida keng bahs-munozaralarga sabab bo‘ldi. Korzinka.uz supermarketlar tarmog‘i asoschisi Zafar Hoshimov ham voqeaga o‘z munosabatini bildirdi.

«Men qornida uch oylik homilasi bor homilador kelinning guruh bo‘lib zo‘rlash haqidagi voqeani o‘ylab topishdan bosh tortsa, (shu joyida diqqat qiling!!!) eridan ajratishlaridan qo‘rqqanidan bularning barchasini to‘qib chiqarganidan ko‘ra, ‘mutlaqo aybsiz’ odamlar qiyofasiga kirib olgan besh nafar o‘zga sayyoraliklar ayolni zo‘rlaganiga ko‘proq ishongan bo‘lardim. Qanday qilib buni xayolga keltirish mumkin?» — deb yozgan u Facebook’dagi sahifasida.

U tuhmat qilib, nohaq ayblash holatlari borligini inkor etmasligini, ammo zo‘rlash kabi jinoyatda yolg‘on bayonotlar zo‘ravonlikning haqiqiy qurbonlarining jinoyat to‘g‘risida xabar berishdan butunlay bosh tortgan holatlardan kamida ming baravar kamligini ta’kidlab o‘tgan.

«Eng yomoni, bunday tergov natijalaridan so‘ng zo‘rlash holatlarini yashirish statistikasi yanada oshadi», — deydi tadbirkor.

Uning ta’kidlashicha, barcha jinoyat-protsessual qonunchilikni o‘zgartirish zarur.

«Masalan, ishda hech qanday shubha tug‘dirmaslik uchun ushbu holatni sudgacha oshirish, hatto tergovchilar mutlaqo haq bo‘lsa ham, ochiq sud majlisida (yaxshisi hay’at a’zolaridan iborat), barcha dalillarni jamoatchilik bilan ko‘rib chiqqandan va barcha ishtirokchilar va guvohlarni so‘roq qilganidan keyin, ayblanuvchilarni barcha ayblov punktlaridan oqlash to‘g‘ri bo‘lar edi», — degan Zafar Hoshimov.