Insoniyat normal hayotga faqat arzon va o‘ta samarali koronavirusga qarshi vaksinalash qaytara oladi. Bu haqda milliarder va Microsoft asoschisi Bill Geyts NBC kanali efirida ma’lum qildi.

Geytsdan COVID-19 pandemiyasi oqibatlarini to‘liq bartaraf etish uchun insoniyatga nima kerakligi haqida savol berildi. "Odamlarning o‘z yo‘llariga qaytishlarining yagona usuli bu juda samarali va arzon narxdagi vaksinalashdir", - deb javob berdi Geyts.

Unga ko‘ra, fuqarolarni ommaviy emlash koronavirus tarqalishini to‘xtatadi va oxir-oqibat uni tugatadi.

Bill Geyts va uning rafiqasi Melinda Jahon sog‘liqni saqlash tashkilotiga homiylik qiluvchi va COVID-19’ga qarshi kurashish va emlash uchun yuz millionlab dollar ajratgan xayriya fondiga rahbarlik qilmoqdalar.

Aprel oyida Geyts dunyo normal holatga qaytishi uchun bir yildan ikki yilgacha vaqt kerakligini aytdi. Iyul oyida u insoniyat koronavirusni yengib o‘tishga qodir ekanligiga ishonch bildirdi, ammo kasallikni davosi ommaga ma’lum bo‘lgandagina buni amalga oshirish mumkinligini ta’kidladi.