Iste’molchilar huquqlarini himoya qilish jamiyatlari federatsiyasi ijrochi direktori bu haqda Amerika Ovoziga intervyu berdi.
«Elektr energiya yetkazib berilyapti, lekin juda katta yo‘qotishlar bor. Lekin aholiga taqsimlagandan so‘ng buni hisoblasak, deylik 100 kVt bo‘lsa, aholidan 50 kVt chiqadi. Yo‘qotilgan, o‘g‘irlangan, noqonuniy ulanishlar bo‘lgan», — dedi u.
Bu orqali tizimda yuzaga kelgan yo‘qotish va kamomadlar iste’molchilarning gardaniga tushishi aytildi.
«Aholiga «sizni bir million qarzingiz bor» deb kiritib qo‘yishgan. Aholi esa buni tushunmasdan, to‘lab yuborgan. Bilsa hazil, bilmasa chin, prinsipida ishlangan. Bu holat juda ham ko‘p bo‘lgan», — dedi Tog‘ayev.
Federatsiya vakili ASKUE tizimi haqida: «bu onlayn so‘zi nomiga bor. Aholi shundan norozi. Shu masalani hazm qila olmayman», deya fikr bildirdi.