Oxirgi 24 soat ichida Hindistonda rekord miqdorda koronavirus aniqlandi - qariyb 35 mingta.
Hozirda Hindiston koronavirusga chalinganlar soni bo‘yicha AQSh va Braziliyadan keyin uchinchi o‘rinda turibdi. Jahonda faqat shu uchchala mamlakatda 1 milliondan ortiq koronavirus holatlari aniqlangan.
Aktiv holatlar soni jami holatlar sonining uchdan bir qismini tashkil qiladi. Hindistonda tuzalish ko‘rsatkichlari oshib, koronavirusdan o‘lim ko‘rsatkichlari kamayib bormoqda. Hozir 25 602 bemor hayotdan ko‘z yumgan.
Hindistonda so‘nggi haftalarda koronavirus tarqalishi keskin ortdi. Shu oyning boshlarida mamlakat koronavirus aniqlanish holatlari soni bo‘yicha Rossiyadan o‘tib ketdi.