"Joriy yilning 22 dekabr kuni 17 yoshli Abdulaziz Abdurasulov Katta Farg‘ona kanaliga cho‘kib ketgan bo‘lishi mumkin, u ayni vaqtda otasi va mahalladoshlari tomonidan qidirilmoqda" - deya xabar bermoqda Effect.uz
Ijtimoiy tarmoqlarda e’lon qilingan videolarda otasi mahalladoshlari bilan cho‘kib ketgan o‘g‘lini bir necha kundan beri kanaldan qidirayotgani aks etgan video tarqaldi.
“Abdulaziz, Abdulaziz” deya dod-faryod chekyapti ota. Bu dunyoda hech qachon ota-ona bolasining murdasini ko‘rmasin. Eng achinarlisi, Abdulaziz otasining yolg‘iz o‘g‘li edi.
“Bitta o‘g‘lim bor edi, bitta. Iltimos bolamni topishda yordam beringlar. Kanalni quritib berishsin, o‘sha hokimlarning ham farzandlari bor-ku”, deydi na o‘ligini na tirigi noma’lum bo‘lgan Abdulazizning otasi.

Ma’lum bo‘lishicha, Farg‘ona kanaliga cho‘kib ketgani aytilayotgan yigit deyarli ikki haftadan beri topilmayapti. Voqea Yozyovon tumanidagi Bo‘tqachi qishlog‘ida sodir bo‘lgan.