“Biz — Markaziy saylov komissiyasi ham hayron qoldik. Lekin, men o‘ylaymanki, buning sabablarini o‘sha mamlakat OAV vakillaridan so‘rasak to‘g‘ri bo‘ladi. Yana bir gap, yaxshi xabar tez tarqaladi. Shuning uchun, bunga hayratlanmasak ham bo‘ladi. Biz hamma nomzodga teng va holismiz, shuningdek men boshqa kuzatuvchilarning bu gapini boshqa sharhlay olmayman”, - deydi MSK a’zosi Makon.Media’ga bergan intervyusida.

Eslatib o‘tamiz, kecha 25 oktyabr kuni O‘zbekiston prezidenti saylovining natijalarini MSK soat 16:00 da e’lon qilgandi. Vaholanki, rasmiy natijalar e’lon qilinishidan avval Shavkat Mirziyoyevni Rossiya prezidenti Vladimir Putin va Belarus prezidenti Aleksandr Lukashenko g‘alaba bilan tabriklashdi.