"Rossiya" aviakompaniyasi vakilining RIA Novostiga xabar berishicha, Moskvadagi Sheremetevo aeroportidan Bangkokka uchayotgan Boeing 777 yo‘lovchi samolyoti Vnukovo aeroportiga favqulodda qo‘nishga tayyorlanmoqda.
Uning so‘zlariga ko‘ra, SU6275 reysi texnik sabablarga ko‘ra qaytarilmoqda. Manbalarga ko‘ra, samolyotning oynasi singan va bu parvozga halaqit qilgan.
Favqulodda vaziyatlar xizmati vakili layner Qozog‘iston xududida aylanib Moskvaga qaytganini bildirgan. Samolyot bortida 100 dan ortiq kishi borligi ma’lum qilindi.