Rossiyaning Yekaterinburg shahrida o‘tkazilgan Jahon chempionatida o‘zbek bokschilari uch oltin, bir kumush va bir bronza medali bilan umumjamoa hisobida birinchilikni egallashdi.

Final janglarida dastlab Shahobiddin Zoirov va Mirazizbek Mirzaxalilov finalda g‘alaba qozonib, oltin medal bilan taqdirlandi. Dilshodbek Ro‘zmetovga esa kumush medal nasib etdi. So‘nggi jangda Bahodir Jalolov ham raqibidan ustun kelib, oltin medalni qo‘lga kiritdi.

Bobousmon Baturov esa yarim finalda mag‘lubiyatga uchragan holda bronza medali bilan kifoyalandi.