Rossiya Federatsiyasining Yekaterinburg shahrida boks bo‘yicha jahon chempionatida O‘zbekiston terma jamoasining yana bir vakili Dilshod Ro‘zmetov ham g‘alaba bilan boshladi.
-81 kg vazn toifasida ringga ko‘tarilgan Dilshod Ro‘zmetov birinchi bosqichda mongoliyalik Narmandax Shinebayar bilan jang qildi va uch raund yakuniga ko‘ra, 5:0 hisobida g‘alaba qozondi.
9 sentyabr kuni Fanat Qahramonov ham mongoliyalik raqibini yengib ikkinchi bosqichga yo‘llanma olgandi.
O‘zbekiston terma jamoasining 4 nafar vakili - Mirazizbek Mirzaxalilov, Bobousmon Baturov, Sanjar Tursunov va Bahodir Jalolov saralash bosqichidan ozod etilgan. Ular ikkinchi bosqichda bahslarga kirishadi.