Buyuk Britaniya Bosh vaziri Boris Jonson Hindistonga safari chog‘ida musulmonlarga tegishli do‘konlarni buzish uchun ishlatiladigan buldozerlar ishlab chiqaradigan zavodga tashrif buyurdi va buldozer bilan suratga tushdi.
Jonson Konservativ partiyaga millionlab funt sterling xayriya qilgan Entoni Bamford tomonidan uyushtirilgan ekskursiyada Gujarat shtatidagi JCB zavodiga olib ketilgan. Buyuk Britaniya bosh vaziri bu yerda buldozerga minib, jurnalistlarga suratga tushdi.
Jonsonning Konservativ partiya donori boshchiligidagi kompaniyaga tashrifi va musulmonlarning do‘konlarini buzishda foydalanilgan JCB buldozerida tushgan surati tanqidlarga sabab bo‘ldi.
«Britaniya hukumati jim tomoshabin bo‘lishni bas qilishi kerak, chunki Hindiston hukumati har kuni inson huquqlariga cheklovlar qo‘ymoqda», deya munosabat bildirildi.