Bosh prokuratura matbuot xizmatining ma’lum qilishicha, Internet nashrlarida va ijtimoiy tarmoqlarda 2019 yil 16 noyabr kuni Toshkent shahar hokimi Jahongir Ortiqxo‘jayevga mansubligi ta’kidlanib tarqatilgan audioyozuvlarning haqqoniyligi, qachon, qayerda va qanday holatlarda yuz berganligi hamda boshqa holatlar o‘rganilmoqda.
O‘rganish natijalari har tomonlama qonun doirasida ko‘rib chiqilib, ular yuzasidan qo‘shimcha bayonot beriladi.
Eslatib o‘tamiz, avvalroq internetda Toshkent shahar hokimi Jahongir Ortiqxo‘jayevning jurnalistlarga tahdid qilgani audiosi tarqalgan edi.