Vazirliklardan birida ishlovchi mansabdor shaxs Bo‘stonliq tumani hokimining o‘rinbosari bo‘lib ishlagan vaqtida tadbirkorga 30 sotix yer maydoni ajratilishi uchun hokim qarorini chiqartirib bergan. Buning evaziga undan 35 ming dollar olgan.
U olingan pulning bir qismini qaytarib berayotganida qo‘lga olindi.
Bundan tashqari, Toshkent viloyatidagi yerlarni noqonuniy ravishda sotmoqchi bo‘lgan boshqa shaxslar ham ushlandi.
Ulardan biri Parkent tumanida 5 gektar yerni 1 mln dollarga sotmoqchi bo‘lgan. Boshqa holatda, poytaxtlik to‘rt fuqaro Toshkent viloyatidagi 5 gektar yerni 300 ming dollarga sotmoqchi bo‘lgan.