Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






Bo‘stonliqda O‘zbekiston «Qizil kitobi»ga kiritilgan Tyanshan qo‘ng‘ir ayig‘i otib o‘ldirildi
12.05.2021 12:12,  
538

Bo‘stonliqda O‘zbekiston «Qizil kitobi»ga kiritilgan Tyanshan qo‘ng‘ir ayig‘i otib o‘ldirildi. Ma’lum bo‘lishicha, ovga shaxsan Ekologiya qo‘mitasi rahbari ruxsat bergan. 

Davlat ekologiya va atrof-muhitni muhofaza qilish qo‘mitasi raisi Alisher Maksudovning imzosi bilan O‘zbekiston «Qizil kitobi»ga kiritilgan 2 ta Tyanshan qo‘ng‘ir ayig‘ini otish uchun Rossiya Federatsiyasi fuqarosi Shirokov Ye.P ga 2021 yil 3 mart kuni №400030-son ruxsatnoma berilgan, deya yozadi Ekologuz kanali.

Mazkur ruxsatnoma ekologiya va atrof-muhitni muhofaza qilish sohasidagi nazorat bo‘yicha Bo‘stonliq tuman inspeksiyasida №4-son bilan 2021 yil 31 mart kuni ro‘yxatga olingan.

Ovchi — Rossiya Federatsiya fuqarosi Shirokov Ye.P. esa Bo‘stonliq tumanida 1 ta qo‘ng‘ir ayiqni otib, u bilan vahshiylarcha suratga tushgan.(Unda yana bitta Tyanshan qo‘ng‘ir ayig‘ini otishga ruxsatnomasi bor).

Eslatib o‘tamiz mazkur ayiqlar atigi 150 dona atrofida qolgandi. Bu ketishda birortasi qolmaydi. Qizil kitobga kiritilgan jonivorlarni ov qilish Vazirlar Mahkamasining 2014 yil 20 oktyabrdagi 290-sonli «Biologik resurslardan foydalanishni tartibga solish va tabiatdan foydalanish sohasida ruxsat berish tartib-taomillaridan o‘tish tartibi to‘g‘risida»gi qarori bilan tartibga solinadi.

Tavsiya etamiz






Tavsiya etamiz

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан