Braziliyada oxirgi 24 soat ichida 30 925 ta Covid-19 bilan kasallanish, 1473 ta o‘lim holati holati qayd etildi. Bu haqda mamlakat sog‘liqni saqlash vazirligi xabar qiladi.
Ta’kidlanishicha, mamlakatda 614 941 koronavirus holati tasdiqlangan. 34 021 kishi SARS-CoV-2 qo‘zg‘atuvchisi keltirib chiqargan kasallikdan vafot etdi. Qariyb 255 ming kishi bu kasallikdan tuzalgan.
Jon Xopkins universiteti ma’lumotlariga ko‘ra, Covid-19 aniqlanish holati bo‘yicha Braziliya AQShdan keyin ikkinchi, bu virusdan o‘lim holati bo‘yicha AQSh va Buyuk Britaniyadan keyin uchinchi o‘rinda turibdi.