Buyuk Britaniyada amaldagi bosh vazir Boris Jonsonning partiyasi kecha, 12 dekabrda bo‘lib o‘tgan saylovlarda g‘alaba qozondi. Bu esa mamlakat siyosiy xaritasini o‘zgaritib, kelasi oydan mamlakat Yevropa Ittifoqi tarkibidan chiqib keta boshlashini anglatadi, deb yozmoqda Bloomberg nashri.

Parlamentda Jonsonning Konservatorlar partiyasi 1987 yildagi Margaret Tetcher davridan buyon ilk marotaba bu qadar ko‘p ovozga ega bo‘ldi. Ular jami 650 o‘rindan 364 tasini egallashdi. Leyboristlar partiyasi 198, Shotlandiya milliy partiyasi 45 o‘ringa ega bo‘lishdi.

Boris Jonson avvalgi nutqlarining birida saylov natijalari mamlakat uchun “yangi tong” bo‘lishini aytgan edi.

AQSh prezidenti Donald Tramp Boris Jonsonni g‘alaba bilan qutlarkan, “Buyuk Britaniya va AQSh Brekzitdan keyin yangi savdo shartnomalari imzolash imkoniyatiga ega bo‘ladilar. Bu YeI bilan tuziladigan har qanday bitimdan kattaroq va foydaliroq bo‘ladi”, dedi.

Shuningdek, Shotlandiyaning mustaqil mamlakat bo‘lishi va Yevropa Ittifoqi tarkibida qolishi tarafdori bo‘lgan Shotlandiya milliy partiyasi mintaqaga berilgan 59 o‘rindan 48 tasini egalladi va u yerda (katta ehtimol bilan) yana bir referendum o‘tkaziladi.

Mavzuga doir: Angliya bosh vaziri Boris Jonson iqlim bo‘yicha teledebatga kelmadi. Uning o‘rniga muzdan yasalgan haykal “ishtirok etdi”