Bugun 2 may kuni soat 13:00 da Axborot va ommaviy kommunikatsiyalar agentligida Xalq ta’limi vaziri Sherzod Shermatov, Oliy va o‘rta maxsus ta’lim vaziri Inom Majidov, Davlat test markazi direktori Majid Karimov va Ta’lim sifatini nazorat qilish davlat inspeksiyasi boshlig‘i Ulug‘bek Tashkenbayevlar ishtirokida onlayn-brifing o‘tkazildi.

Savol: Olimpiadaning uchinchi (viloyat), to‘rtinchi (Respublika) bosqichli o‘tkaziladimi? Agar o‘tkazilmasa tumanda g‘olib bo‘lgan o‘quvchilarga qanday imtiyozlar bor?

Javob: Respublika fan olimpiadasining III (viloyat) bosqichini o‘tkazish bo‘yicha barcha tayyorgarliklar ko‘rilgan. Yurtimizda joriy qilingan karantin tartibi bekor qilingach, Respublika maxsus komissiyasi tomonidan ommaviy tadbirlar o‘tkazishga ruxsat berilgandan keyingina olimpiadaning mazkur bosqichi o‘tkazilishi mumkin bo‘ladi. Olimpiada o‘tkazilishi rejalashtirilgan taqdirda o‘tkazish vaqti bo‘yicha yana qo‘shimcha ma’lumot beriladi.

Olimpiada o‘tkazilishi vaziyatdan kelib chiqib bekor qilinsa, ishtirokchilarga imtiyozlar berilmaydi.