Sinoptiklarning ma’lum qilishicha, 21 martda Qoraqalpog‘istonda, Xorazm viloyatida ertalab ba’zi joylarda yomg‘ir yog‘ishi mumkin. Farg‘ona vodiysi viloyatlari bo‘yicha kunning birinchi yarmida ba’zi joylarda yomg‘ir yog‘adi, momaqaldiroq bo‘lishi mumkin. Respublikaning qolgan hududlarida yog‘ingarchiliksiz ob-havo bo‘lishi kutilmoqda. Shamol 7-12 m/s tezlikda esadi. Havo harorati 13-18° iliqgacha ko‘tariladi.
Poytaxtimizda havo o‘zgarib turadi, kunduzi yog‘ingarchilik kutilmaydi. Shamol 5-10 m/s tezlikda esadi. Havo harorati 13-15° iliqni tashkil etadi.
Respublikaning tog‘li hududlarida havo bulutli bo‘ladi, ba’zi joylarda yog‘ingarchilik (yomg‘ir, qor) bo‘ladi. Qor ko‘chishi xavfi bor. Ba’zi joylarga tuman tushishi mumkin. Shamol 7-12 m/s tezlikda esadi. Havo harorati 3-8° iliq bo‘ladi.