Bugun, 1 may kuni Navoiydan Buxoroga qurilish materiallari va oziq-ovqat mahsulotlari ortilgan avtomashinalar karvoni yetib keldi.
Navoiy viloyati hokimligi axborot xizmatidan ma’lum qilishlaricha, insonparvarlik yordami sifatida 9 ming dona shifer, 45 ming dona g‘isht, 23 metr kub taxta, 210 metr kub shag‘al, 17 tonna oziq-ovqat mahsulotlari jo‘natilgan.
"Shunday og‘ir damlar kelgan paytda birinchilardan bo‘lib insonparvarlik yordamini jo‘natgan Navoiy viloyati hokimligi va xalqiga minnatdorlik bildiramiz", deyiladi Buxoro viloyati hokimligi matbuot xizmati xabarida.