Bugun kunduz kuni O‘zbekistonda havo o‘zgarib turadi, Toshkent, Samarqand, Jizzax, Sirdaryo viloyatlarida kunning birinchi yarmida ba’zi joylarda biroz yomg‘ir yog‘ishi mumkin, Farg‘ona vodiysi viloyatlarida ba’zi joylarda yomg‘ir yog‘adi. Respublikaning qolgan hududlarida yog‘ingarchilik kutilmaydi. Farg‘ona vodiysi viloyatlarida ba’zi joylarda shamol tezligi 15-20 m/s gacha kuchayishi mumkin. Harorat 7-12° iliqgacha pasayadi.

Poytaxtimizda yog‘ingarchilik kutilmaydi. Shamol 5-10 m/s tezlikda esadi. Harorat 7-9° iliq atrofida bo‘ladi. 

Tog‘ oldi va tog‘li hududlarda  ba’zi joylarda yog‘ingarchilik (yomg‘ir, qor) bo‘ladi. Harorat 2° sovuq-3° iliq bo‘ladi.