Ayni kunlarda O‘zbekiston milliy terma jamoasi Yevropada bo‘lib turibdi. Mazkur o‘quv-mashg‘ulot yig‘ini doirasida vakillarimiz o‘rtoqlik uchrashuvida maydonga tushishi rejalashtirilgan.
Bugun, 5 sentyabr kuni vakillarimiz mezbon Shvetsiya terma jamoasiga qarshi maydonga tushadi. Bahs Stokgolm shahridagi "Friends" stadionida bo‘lib o‘tadi va Toshkent vaqti bilan 18:00 da start oladi.
Ma’lumot uchun, bir necha kun oldin shvedlar Jahon chempionati saralash bosqichidan o‘rin olgan bellashuvda Ispaniyani 2-1 hisobida mag‘lub etgandi.