2020 yil 23 may soat 22:30 holatiga ko‘ra, O‘zbekistonda koronavirus infeksiyasi qayd etilganlar soni 3115 (+26) nafarni tashkil qilmoqda.

Yangi kasallanish holatlarining 25 nafari karantin markaziga joylashtirilgan fuqarolar orasidan va 1 nafar Qozog‘istondan kirib kelgan xalqaro yuk tashuvchi avtomashina haydovchisida aniqlandi.

Jumladan, karantinda bo‘lganlarning 22 nafari chet eldan kelgan, 3 nafari esa kasallikni bemorlar bilan muloqot orqali yuqtirgan. 

Ayni paytda yurtimizda 2532 nafar koronavirus infeksiyasiga chalingan fuqarolar butunlay sog‘aydi.

Hozirda mamlakatimizda 544 nafar bemorlarga shifokorlarimiz tomonidan belgilangan standartlar bo‘yicha davo choralari ko‘rilmoqda.

Bugun mamlakatimizda 79 holatda yangi kasallanish holati qayd etildi. Shundan 70 nafari xorijdan kelib, karantinga olingan fuqarolar, 9 nafari esa aholi orasidan aniqlandi.

O‘z navbatida bugunning o‘zida 40 nafar bemor sog‘ayib, tuzalganlar soni 2532 nafarga yetdi. Eslatib o‘tamiz, hozircha Buxoro, Jizzax, Qashqadaryo, Surxondaryo va Farg‘ona viloyatlaridagi bemorlar koronavirus infeksiyasidan to‘liq sog‘ayishdi.