Bugundan O‘zbekiston va Qozog‘iston o‘rtasidagi muntazam aviaqatnovlar rasman tiklandi

Bugundan O‘zbekiston va Qozog‘iston o‘rtasidagi muntazam aviaqatnovlar rasman tiklandi

Foto: Transport vazirligi

O‘zbekiston Respublikasi Transport vazirligi Qozog‘iston aviatsiya ma’muriyati bilan xalqaro muntazam yo‘lovchi aviaqatnovlarini tiklash bo‘yicha olib borgan muzokaralar yakuniga ko‘ra «Uzbekistan Airways» va «Air Astana» aviakompaniyalariga sentyabr oyidan boshlab paritet tamoyili asosida Toshkent–Olma ota–Toshkent yo‘nalishida muntazam parvozlarni bajarishni boshlash bo‘yicha kelishuvga erishilgan edi.

Mazkur yo‘nalish bo‘yicha qatnovlar haftaning juma kunlari amalga oshiriladi. Bugundan e’tiboran «Uzbekistan Airways» va «Air Astana» aviakompaniyalari ushbu yo‘nalishda parvozlarni bajarishni boshladi.

«Air Astana» aviakompaniyasining Olma ota – Toshkent – Olmaota yo‘nalishida parvozni amalga oshirgan samolyot bugun soat 12:40 da Islom Karimov nomidagi «Toshkent» xalqaro aeroportiga kelib qo‘ndi.