2021 yil 12 mart kuni Samarqand viloyati IIB JQB hamda Bulung‘ur tumani IIB JQB xodimlari hamkorligida Jomboy tumani hududida tezkor tadbir o‘tkazildi. Bu haqida Samarqand viloyati IIB Axborot xabar bermoqda.
Samarqand viloyati Jomboy tumani “Eski Jomboy” mahallasida yashovchi, 1993 yilda tug‘ilgan S.A., “A.” ismli shaxsga 500 gramm miqdoridagi “Opiy” giyohvandlik vositasini 5.000 AQSh dollari evaziga sotgan vaqtda, jinoyat ustida qo‘lga olindi.
Mazkur holat yuzasidan Bulung‘ur tumani IIB huzuridagi Tergov bo‘limi tomonidan Jinoyat kodeksining 273-moddasi 5-qismi bilan jinoyat ishi qo‘zg‘atilib, tergov harakatlari olib borilmoqda.