Toshkentning “Bunyodkor” futbol klubi rahbariyati 393 nafar xodimni oylik bermasdan ishlatgan.
Ma’lum bo‘lishicha, klub xodimlarga oktyar oyi uchun berilishi kerak bo‘lgan maoshlarni to‘lamagan. Ulardan umumiy qarzdorlik 1 mlrd 532 million 216 ming so‘mni tashkil qilmoqda.
Ta’kidlanishicha, Davlat mehnat inspeksiyasi tomonidan "Bunyodkor" futbol klubi bosh direktori U.A.Mirzayev nomiga maoshlarni to‘lab berish va bundan keyin bunday qilmaslik bo‘yicha yozma ko‘rsatma berilgan.
Klub bosh homiysi "O‘zbekneftgaz" AJ ushbu qarzdorlikni uzish bo‘yicha kerakli ishlarni amalga oshirayotgani ta’kidlandi.