Jahon sog‘liqni saqlash tashkiloti (JSST) rahbari Tedros Adxanom Gebreyesusning ma’lum qilishicha, hozirgi vaqtda dunyoda koronavirus uchun 141 turdagi vaksina ishlab chiqilmoqda.

"Xalqaro hamkorlikning Covid-19 vaktsinasini ishlab chiqishda muhim hayotiy rolini ko‘rib chiqyapmiz. Ishlab chiqish jarayonlari koronavirus to‘g‘risida ma’lumotlar Internetda tarqala boshlagandan keyin boshlandi va hozirda 141 vaksina ishlab chiqilmoqda. Yetakchi nomzodlar bir necha oyda muvaffaqiyat qozonishi mumkin. Albatta, to‘liq himoyaning kafolati yo‘q, ammo biz umid qilamiz ", - deyiladi janob Gebreyesusning  Washington Post nashrida chop etilgan maqolasida.

Avvalroq JSST rahbari dunyo bo‘ylab koronavirus tarqalishi tezlashganini ma’lum qilgan edi. Janob Gebreyesus"bundan keyin davlatlar koronavirus bilan yashashga moslashishlari kerak", degan edi.