17 fevral, dushanba kuni butun dunyoning internet bilan ta’minlashga mo‘ljallangan Starlink loyihasi doirasida yana 60 ta mikrosun’iy yo‘ldoshlar to‘plami orbitaga olib chiqiladi.
Parvoz 16 fevralga belgilangan edi. Biroq uni olib chiquvchi Falcon 9 raketasidagi ikkinchi bosqichdagi klapanlarni qo‘shimcha tekshirish zarurati tug‘ilganligi uchun bir kunga kechiktirildi.
Starlink loyihasi o‘tgan yili may oyida boshlangan edi. O‘shandan beri 4 marotaba sun’iy yo‘ldoshlar to‘plami Yerdan tashqariga muvaffaqiyatli olib chiqildi. Hozirda SpaceX sun’iy yo‘ldoshlar guruhi 240 dona sun’iy yo‘ldoshdan iborat.
Ilon Maskning SpaceX shirkati umumiy hisobda 12 ming dona sun’iy yo‘ldosh orqali butun dunyoni internet bilan ta’minlashni maqsad qilgan.
Loyihaning umumiy qiymati 10 mlrd dollar.