2020 yilning avgust oyida S.A. hamqishlog‘i N.M.ning ishonchiga kirib, Oqqo‘rg‘on qishlog‘ida joylashgan 12 sotix yer maydoni 80 mln so‘mga sotib yer maydonini nomiga o‘tkazib berishini aytib, bergan va’dasini bajarmasdan aldov yo‘li bilan qo‘lga kiritgan pullarni o‘z ehtiyojlariga sarflab yuborgan. Bu haqida Farg‘ona viloyati IIB Axborot xizmati xabar bermoqda.
Mazkur holat yuzasidan Buvayda tumani IIB huzuridagi tergov bo‘linmasi tomonidan Jinoyat kodeksining 168-moddasi 2-qismi (firibgarlik) bilan jinoyat ishi qo‘zg‘atilgan.
Yuqorida ko‘rsatilgan jinoyatni sodir etgan shaxs besh yilgacha ozodlikdan mahrum qilish bilan jazolanishi mumkin.