Avvalroq, ijtimoiy tarmoqlarda Buxoro shahar hokimi Jamol Nosirovning uyiga 4 yanvar kuni noma’lum shaxslar o‘g‘irlikka tushib, 200 ming dollar miqdoridagi pullarni olib ketgani haqida xabarlar tarqaldi.

Buxoro viloyati IIB Matbuot xizmatining xabariga ko‘ra, mazkur xabar IIB mas’ul xodimlari tomonidan o‘rganilganda, shahar hokimining xonadonida o‘g‘irlik jinoyati sodir bo‘lmaganligi ma’lum bo‘lgan.

Shuningdek, IIB va uning quyi tizimlariga bunday mazmundagi hodisa sodir bo‘lganligi to‘g‘risida biror bir xabar yoki murojaat kelib tushmaganligi yoxud hokimning biror bir yaqin qarindoshlari tomonidan ham bunday jinoiy hodisa yuz berganligi yuzasidan xabar yoki murojaat bo‘lmagan.