Buxoro viloyati Jondor tumanida 39 yoshli turmushga chiqmagan qizni u bilan ishqiy munosabatda bo‘lib kelgan erkak o‘ldirib qo‘ydi, deya xabar bermoqda viloyat IIB matbuot xizmati.
Qayd etilishicha, 2021 yilning 13 iyul kuni soat 19:00 larda Jondor tumani «Samonchiq» mahallasidagi «Nozima Niyoz» fermer xo‘jaligi dala maydonida tumanning «Istiqlol» mahallasida yashovchi, 1981 yilda tug‘ilgan F.Z. ismli shaxs ishqiy munosabatda bo‘lib kelgan «Samonchiq» mahallasida yashovchi, 1982 yilda tug‘ilgan J.M. ismli turmushga chiqmagan qiz bilan rashk oqibatida janjallashib, uning bo‘yin va ko‘krak sohasiga oshxona pichog‘ini sanchib, og‘ir tan jarohati yetkazgan.
Oqibatda jabrlanuvchi J.M. voqea joyida vafot etgan.
Mazkur holat yuzasidan tuman prokuraturasi tomonidan F.Z.ga nisbatan Jinoyat kodeksining 97-moddasi (qotillik) 1-qismi bilan jinoyat ishi qo‘zg‘atilib, ayblanuvchiga nisbatan qamoqqa olish tarzidagi ehtiyot chorasi qo‘llanilgan va hozirgi kunda dastlabki tergov harakatlari olib borilmoqda.