14 yanvar – Vatan himoyachilari kuni arafasida Buxoro shahrining Turdi Farog‘iy ko‘chasida har biri 30 xonadondan iborat 3 ta besh qavatli uy foydalanishga topshirildi.
O‘zA xabariga ko‘ra, marosimda viloyat va Buxoro shahri hokimliklari mutasaddilari, davlat xavfsizlik xizmati xodimlari, jamoatchilik vakillari ishtirok etdi.
Xabarda aytilishicha, Buxoro shahrida “Ipoteka bank”ning uzoq muddatli kreditlari asosida 90 oilaga mo‘ljallangan ikki, uch va to‘rt xonali turar joylar qurilgan. Mazkur ijtimoiy ob’yektlar qurilishiga 15 milliard so‘m mablag‘ sarflandi.