Buxoroda to‘g‘ridan-to‘g‘ri iste’molga chiqariladigan tabiiy gaz zaxirasi aniqlandi

Buxoroda to‘g‘ridan-to‘g‘ri iste’molga chiqariladigan tabiiy gaz zaxirasi aniqlandi

Foto: O‘zbekneftgaz

“O‘zbekneftgaz” aksiyadorlik jamiyatining xabar berishicha, “Gazli” neft-gaz qazib chiqarish boshqarmasiga qarashli “Uchqir” gaz kondensat konidagi 203-sonli quduqning 14-qatlamida, ya’ni 1638-1628 metr, 1618-1616 metr chuqurlikda burg‘ulash ishlari o‘tkazilib, ta’mirlash ishlari olib borildi.

Buning natijasida faoliyati tugatilgan quduqda oltingugurtsiz tabiiy gaz zaxirasi mavjudligi aniqlandi. Hozirgi kunga kelib kunlik 100 ming metr kub miqdorida sanoat miqyosidagi tabiiy gazni qazib olish ishlari yo‘lga qo‘yildi.

Ma’lumot o‘rnida, 1968 yilda ochilgan quduq 2011 yilgacha to‘liq faoliyat yuritgan. Ayni paytda konning aniqlangan 14-qatlamidan olinayotgan oltingugurtsiz tabiiy gaz qo‘shimcha qayta ishlashni talab qilmaydi va iste’molga to‘g‘ri yo‘naltirish mumkin.