19 may kuni soat 13:30 larda, Buxoro viloyati, Qorako‘l tumani hududidan o‘tgan 4R-76 “Qorako‘l-Yangibozor-Jig‘achi” avtomobil yo‘lida YTH sodir bo‘ldi.
IIV YHXBB axborot xizmatining ma’lum qilishicha, yo‘lda haydovchi M.J. (erkak) “Neksiya”da tezligini me’yoridan oshirib, oldinda ketayotgan avtomobilni quvib o‘tish maqsadida qarama-qarshi yo‘nalishga chiqib ketadi. Hamda qarshisidan kelayotgan haydovchi 1981 y.t. N.T. (erkak) boshqaruvidagi “Lasetti” rusumli transport vositasining old qismiga urilib, YTH sodir etgan.
Natijada, “Neksiya” rusumli transport vositasi old o‘rindig‘ida o‘tirgan yo‘lovchi 2001 y.t. Z.N. (qiz bola) og‘ir tan jarohatlari bilan shifoxonada vafot etgan.
Ushbu avtomobil haydovchisi M.J. va yo‘lovchisi 1979 y.t. S.A. (ayol) tan jarohati olib shifoxonaga yotqizilgan.
Mazkur YTH yuzasidan Qorako‘l tumani IIB huzuridagi tergov bo‘linmasi tomonidan surishtiruv ishlari olib borilmoqda.